<$BlogRSDURL$>

Tuesday, January 13, 2004

The Brief History Drafting of
Shri: Ata Chawangduimai Ranapey
On 12.October. 1984 3:30pm at his village.
Opening Function: Scripture Reading Mtt. 6:33 and prayer by : Atan.
1. Atan Chawangduimai manabou takum- 1934
2. Gininbou - Father IInd son of - Shri: Gininbou
Takou (Nkou) village
Disignation - Ranapey
Terms: From second January 1958 up to 2nd Jan 1971, Ranapey lungraleng Date 2nd January 1958 bonai village General meeting ganiu Shri: Lungjanbou khatdi Majatlakbou 2nd GB. khatdi public mathiu GB niu Shri: Atan tu nagkimai Nampou (Khunpu) thiubam bokimai niu saidi ringdi kungsulo tiujiu I di adileng anam leng thiudi anamdi lung-ne tiujiu lung-ne.
Function- 2. I niu lungsuboga Nkou namhai kalek 38 lung bam-e, I niu lungsuraibokum 58 kumga Kuki maipiu (Angam Mahuri) Santing village niu report India Govt. ga pikhaijiu 20th. Sept. 58 police khang 15 wangjiu I hajiu apiunahbo Angan tu minlujiu Imphal police custody ga naikhat bam khai-e. Atu thinkhai mibo Rs. 500 thinkhaijiu ranpadle.
* Ajang ganiu achi Shri: Aji panai Dekebou tu India Army niu minlujiu Tamei Hqs ga jeng chania 7 nchun nnin masut khin jing khinsang khai-e. Expenditure - Rs. 380. Daate - Jult 15, 1958, Adih ajad leng niu chariu khengjiu phungwang khai-e.
1959 - Ranapey jeng ganiu, Apiu Gininbou panai achi Aji tu Indian Army niu minlujiu Nkou UJB School ganiu nchun khat nin khat rat lujiu lekhai bi-e. Chaki pakhiang ru-taliang kam mi-e. - Sept, 3rd '89 - present commandar leng kami-e.
* 1958 - Naga India movement jeng ganiu Shri: Ramthon Commandading (Home Guard) wangjiu akhuga jeng madai bamkhai-e, rangkangdi (chandi) kaisum 300 pikhaiye.
4. 1959 - July Ist 59 bonai Naga homeguard Shri: Paiso Tangkhul captain niu chamai khang 16 tu majang wang -nge tathi khat langbi lujiu nchun Shri: Kawiriangbou anainiu nchun masong majang lujiu nkanlam ruontadjiu Malek namga jikhai-e, Haisi C.I.O Angam niu silujiu India Army maiga report thiu khaijiu aki group thiujiu kam-chariu khaibi-e. Haibo kumdi kadi lengjeng niu kahtdi anam naleng jeng niu chariu jiu khengkhai lanne.
* 1960 - (5) I niu Ranapey lungbambo pasumbo kumga Naga home-guard tadraleng namlam pipad sulo tiujiu makhem thiuboga, Nkou namga puinah 3 puinah khatga khang khat padkhe tiujiu suikhai lujiu puina nia pad-ngam lakge nakinamai nampao kimai niu saidi thiudi kawibo padi nakikhin thiu sulo tiujiu anam adi lengjeng niu wi-de saidi ringdi padne tiujiu achi Shri:Aji panai Tauriang tu langpadle, Namainiu kabak khat gikhaijiu aliuriga thuon khai bi-e, siniu npui nchiang ga thinra Rs 400 pikhaiji langpad mide.
1961 (6) - 1960 May ga Nkou namga Shri: Kagitasu Sema, President of Federal Govt. of Nagaland niu chamai scout 350 majang wangjiu jeng sum bamkhaijiu kabak khat (Jum 5) gibi-e, I niu aki ganiu taliu khai bi-e.
* 1960, Sept. hiuga wanglanjiu jengnia nai manai khailan khajiu taliu khai bi-e, I niu anamnah ga, padileng papum kadpat jiu cha-ngam kam bomai, kasanbo pipad lakge tiujiu soukum mai chamai kasanmai wangsai phuilo tiujiu apum sung thiujiu chabon (Youth) mai dungtu langkhai -e, inchundi namdi akhe sulo tiujiu phui khai-e, wadi kasabo pad makja winaja paliu puitalam kapou khai bi mi-e.
* 1962 (a) Febrauary 8th '61 ga Gailinliu President (W/S) Zeliangrong province khatdi Lungsidouliu circle President chania akhuga wang khai jiu I niu majang llujiu Nkou mai Women Society mathiu tu training kam khai bi-e,nchun kalung ga zipping jiu nkan lam pamai bamleng kaden mawi khai bi luja pamai pam leng chamai kasia tu lang khai bi-e.hapta khat bammlu jiu changam kam mawi khai dia lujiu magen thiubo dou mak jiu wija kemsu lan mi-e.pamaileng Rs/50 donation pikai-e.(c) 5th Sept.1961 bonai gailenliu President Women Society, Zeliangrong Province katangliu,member khatdi Takampiliu member haimai khangsum wangjiu Aram Nkou Women Society mathiu tu Naga maitu chalungsasijiu macha mawijiu chariu magen thiu wang boga nkhajiu taliu khairabo chaphai kha madui luja khaibam lujiu nkan gadi kalong gadi taliu khai birabo-e tiujiu Training pikhai b-e.
(a) Palin kangmai aramga hapta khat khat bam khaijiu katiu kasak taliu khaib-e, haibo wan gahai Nkou Women Society President hai Miss: Sangbonliu niu hungjiu padi palung thiujiu atu nkhaja taliu khaib-e, nchundi nkanlam jit raleng paniu bamboga padi chariu khengcham jiu katiu tiumawi silak, jitdi jit matun titkhai makjiu nkha khai bibojeng niu achun wibo din ngamlakge patu Rapiu jan gasu thuon kiuboniu joujiu wadoudi mangai makge.
(d) January 1961: botingga katang namga Raka mainiu Federal Govt.kak kiga chalad kabuakbo keng jiu padbo jeng niu makhem thiu aroung ne Zeliangrong khangkiang mai dung khatdi Ranapey mai wang lo tiujiu Shri: Hulang (Governor) niu kubo jengniu I di Champing tu majang lu tadle.Raka mainiu Home-Guard mai chari thiu sura kam miboga panai kakga kam agi manai khai ra Ranapey mai tadlo tiubo ga I di joujiu tadle, Katang ga meeting thiu bamga Magulong Namsan (Phaigimlong) lam Meeting loi makhaga Shri: Thiubam, Lept. **Genral Naga Home-guard, Zeliangrong Province niu Malek namga Shri: Mouch General, HG. Angami Province alung thiujiu apumsiak niu phung lujiu wang patang khaib-e. Haibo wanga adih leng chariudi chariu khaine tiujiu anou anah khatdi aki altu soujiu machakpad tadngot jiu taten thiu khai-e, mariudi charidi ajah leng niu khengjiu kamkhai-e.
*1962 (a) Sept IInd 1962 bonai aram Nkou namga Shri: Mairiliang Tatar, Tunchapbou Tahupye, Maihiping Let. Col. Naga Home-Guard khatdi Pouchuong major Naga Home-guard haimai khang madai niu leader thiujiu chamai 65 majang wang jikhaijiu kabak kadi bo khat langbijiu paliu bamjiu leng pawan saisuijiu nkanlam nbaiki (camp) taliu khaibijiu, I di paliu dunjeng niu chariu phung ncham khaijiu macha khai-e. Paliu leng rangkang pageng bamme tiujiu nammai khuga Rs 250 khatdi ojamai tulop chiumai naliu aliu kadileng mariu chari jiu aliu matthiu sung thiujiu panou panah mai dung tu soulu jiu haijiu khai chariu jiu tad bam mai leng naliu nkha ka-ngambo nkhailo tiujiu I niu oja maikhu dine, siniu paliu lung thiujiu umme wajiu ga lung wi mak tadi kabambo poina nkha khai ne tiujiu Rs 920/- pipad khai ye. Wang mai paliudi paliu chun wijiu lukhaide. (b) I niu Ranapey hung bambo wan-ga Sept. nai 62 bonai Indian Army (Morodisi) mai wang lujiu Naga mai naliu khu wang boga naliu katiu kasak pibo naliu khuga bam khaibo sui lakge tiujiu Nkou nam mai npui-nah khatdi npiu mai mathiu tu Chaky khat ga juwang rat-taruong lujiu nai khat katiu sak di pitiu mak, chaki chaludi pithiu khai makja pibam jing khai-e, katiu kasak degu pibolo, chamai ndejiu wang bolo? khatdi Ranapey soulo? pagu secy. sou lo? chiujiu tap ja maniu-e, chiudi saidi ring amun ganiu chalad khatdi din pad milakge, atu tap bamdi rehbamdi adileng jeng niu chariu kheng rabo-e tiujiu alung ganiu chap khai lujiu matanjiu kheng lu-e. I niu anam na maikhu haichiu dine, Naliu lung manang makne pingra wadi ha-e, I sai midi naliu lung chariu mitulo! nai khat makdi naikhat ra haibo chariu phijeng matha amanbo pawan pad rabo-e, tiujiu aliu mathiu kheng khai de.
1963 5th january: Bonai Mr. Maihipingbou 2nd Leut. First Bgd. 3rd Bgd. Army C-Coy niu leader thiujiu Naga Army mai Nkou namga aliu nbaiki (camp) thiujiu bamra bo-de tiubojeng niu wi-de chariudi chariu nchamkhe, naliu bam leng taliu khai ne tiujiu anam nahmaitu majang lujiu chareng Jailuong ga nbaiki thiu khai bi-de. (c) 20 June 63: botingga Maihipingbou 2nd Leut.kahtdi pamai dung khang chaork tu majang luja bamra camp thiulo tiujiu ajainingga kaloung mai khangsia tu majang lujiu khai bi-e, paliu chahiu kaht bam khaibo paliu gu katiu kasak phung tad raleng apiu tu khatdi anou anah tu lang khaijiu nchun nson hungtad jiu makot khai-e.
1962: 8th (c) April: 62 tingga Shri Ngamping Kilonser khatdi Thienasile Bgt.panai niu chamai scout khang kariu charuk majang lujiu akiga wang khaijiu katiu kasak taliu mawi khaib-e, khatdi chambam taji hai nkan lam taliu khai luja paliu niu njit mibowan ga chamai kasamai wangsu ma tiujiu nahmai dungtu langkhai bijiu nchun akhesang khai-e, paliudi paliu lung aman saijiu jimathak khailujiu tad lan ne. (d) 10th July 62 bonai Shri: Nganping khatdi panai khang 15 kiutu majang lujiu Tudon gasu Nkou lam wang khaijiu akhuga wang bam khai-e, haibonai pawan sabo pad nang jiu I niu paliu khuga haitiu dinne, lungsa maiyo thainai hai Indian Army wang rabode, siniu naliu kalongga bam sai aliu lengdi naliu lengdi kabuakbo padsui-e, naliu pabam khat ga mari khairai khe tiu din boga paliu wadulak bamne tiujiu bambo wansiak simak dakjiu Army kasia niu akiga wang tang siak mide, siniu paliudi atu lungsabo pen gasu paliugu chapot khatdi arms soudia lujiu kareng hanglam nbaitad mide, siniu kalang jiu I niu anou anah maitu majang lujiu paliugu mania dunghai kakam nbai mawi khaibide, Indian Army mai wangjiu aki check thiude, paliu wagu kamoubo wadi phiupad lumakja tadlan mide, chawan kumsuboga paliu mania phung lujiu nkanlam majang lujiu jitchamjiu akhekhai de.
1963 (b) 7th Feb, 63 botingga Nkou namga I niu Ranapey lungbamga Naga Army camp nbaiki thiukhai lanlo tiujiu Nkhiangbangning ga thiu khai de, siga Shri: Nikudo Brigedate 2nd Brdt western command khatdi pa majangmai khang sinriu (30) tu majanglu bam khai-e, Haibo camp ga chahiu kat bam khaijiu Nekido papumsiak niu akilong Nkou nam katang Angami maidi tiujiu kam suboga, khuga din khai bi-e, paliu niu tiubuibo katiu kasak pikhaijiu paliu lungbam khai-e haisi suilakge haisi Zeliangrong kadi-e, Angami kadi makge tiujiu I niu paliu Haibo camp hai kalong gasu miles one and half (kha-papam) diu-e, paliu niu kheng khengbo chaban matai thiura chagan-nia pakhiangna pikhai b-e chaki chalu tadjiu charam lamsu wangbo wan ganiu di paliu niu tadmak doulak ge tiujiu paliu niu din bowan nchun masang di nsondi apumsiak niu anamnah khuga kha-lujiu phung linkhai bi-de.Aki aludi tenthiu kahinang lakjiu adih-leng jengniu chariu khaine tiujiu mathak nanglak jikhai nang lakjiu cha-ngam kamkhai no-de.
(d) Shri: Nekudo camp thiubamga I Ranapey hung bamjiu Nkou ga lungbambo Kukimai, haibo Naga mai camp hai khatdi paliutu silu suma tiujiu pingjiu manang nangjiu nbai nbaibamga Nkou ga Lungbambo Kuki maipiu Mr. Seikhet niu Indian army maikhu majang lujiu paliu tadpad mibo nai nchun siak niu chami matou thon mide.
(d) March Ist 63: Shri Nekudo niu pamai dungtu majang lujiu Nkhaingbangning camp ga lungbam botingga paliu gu tour programe tadmi bonai ganiu Nkou mai Kukimaipiu Shri:Seikhet niu Indian Army Punjabi Army tu 30 majang lujiu paliugu cmap hai chami machia taliang mide, Malan wang wang lan luja aliu khang madai 1. Atan Ranapey, Z. Namrng (3) Juoma khatdi (4) Karendin aliutu Seikhet niu report thiujiu aliuniu Naga maitu majang lungbo-e naliu khu chaganmi bambo-e, sise khoiwang sulo tiujiu dapjiu rejiu kam chariukhai bijiu mailun lungkum jiu lunglak mijiu tuhoi niu singnahpiu Mr. Seikhet tu achun wichang wi-e thuondi thuon kiu-de, Seikhet ronna makjiu Mr. Angam khatdi Singkhulam paliu kangmai kalong nkhang nkumjiu thiusabambo lunglung jeng niu army maiphitop padi ngou luboga jeng sum jeng madai nchundi njit kiulak katiudi tiutabo lunlung lungkhai tangbo jengniu paliutu nkiujiu thuon lan lanne.
(e) March 63 ga I hai Ranapey hungbam botingga anao nghenah puonjiu papum suongja malai lak chap sulak jiu bambo wansiakga Indian army mai wangjiu kaphung kadi pakhiang ranjiu chumasa ka-mide, Naga army gu arms khatdi uniform khoi pad sulo tiujiu kambamdi haijiu kha chariujiu adileng jengniu chariudi kheng khaijiu lungne tiujiu lungkhai-e, Haitiujiu paliu niu maning masasiakjiu paliu niu kamaningbo katang kam khaiboga wadi kamaobo doulu makbo jengniu apiu panai achi tu minlujiu paliugu camp ga majang wang lock-up ga jeng mangiu nai khai khang-nge (contd to page 16)
1964 (a) 5th June 1964 boting Chalva Kuki village ga Indian army post bambo mai chamai 50 wangjiu Nkou ga Ranapey Atan bamma tiujiu phiu wangjiu I bam doulak jiu chahiu sum khatdi jeng madai I underground thiujiu mariu charijiu nbai khang nge, sept 4th 64 bonai katang adileng jengniu akilong akikhon ngot dou lakjiu katiu kasak pontiu chamdou lakjiu din ngam-lakbo chariu kheng khaijiu ajat leng jeng niu chap khai-e, 1964 sept 6th bonai India Govt, nai Naga kakga agi manaibo (peace) bam mide tiujiu I di akilong wang lanjiu Rana ten thiujiu Naga maitu majang taten thiu-ncham bam lane, Haichiujiu akilong ga Naga mai padileng taten thiumai meng wang mai mathiu tu pitiu khai pisak khaijiu teliu khai bijiu lung khai-e.
1965 (b) kumga Rianglong mai panamnah karai Namguong khatdi Namsan jeng niu chalad kabuakbo pade, siniu paliu rona makhem ngam lulak mijiu area Ranapey mainiu phui khai khelo tiujiu dinde, Haiga aliu area mainam 10 (kariu) gu Ranapey mathiu wangjiu Nkou ga paliu lad namga makhem thiuboga, wi-de naliu niu khatga di khatdi lungnibo majority thiubo bamga lungsulo tiujiu athak khaiboga I di apumsiak niu tadjiu ladjan thiu khai bi-e, siniu paliu niu namsan ga lungra chamai kakengniu chuncham khaibo saisui jiiu namsan bamga lungra khai lujiu tuhoi tangbo lung mawi jiu lungbamde.
1965: 20th March 1965: boting I Ranapey hungbamga India mai nai Naga mai kakga agih-manaibo wang jiu (peace) mission Miss: Mishet London ganiu wang bo pui tu Mr: Mai-ngan field director ZBA niu majang lujiu Nkou ga wang khai-e. I niu aki-ga pibam khaijiu katiu kasak pi-tiu khai bi-de (e) I niu Ranapey phung bamga 15th, Nov, 65 tingga Shri: Maihipingbou IInd Leutt. pagu scout mai khang atai (40) majang lujiu akhuga wang khai jiu chahiu nia bam bam jiu kaktiu kasak khatdi chabam taji taliu akhi mawi khai bi-e. Haitiuja bamga Mr: Maihipingbou niu apum sung thiujiu malujiu paniu haitiu dinne, I hai aram Nkou ga anou anah thiu khaijiu Nkou mai puipiu thiujiu lungne, ang niu agu kalek lengdi karam khailo tiubo sai suijiu I di achun wijiu I niu ka-ngam bara nkha khai-ne tiujiu karam bohina wang tang jiu macha khai bi-de. Paniu akhuga wang khai bojeng niu paniu chariu wang di aman wang di padam lu-ncham jiu saidi ringdi I niu phui-ne tiujiu I hai papum pum padi apum kumjiu lung bam-e. Padon jeng niu chariu di chariu khaine tiujiu kheng jiu lung khai-e.
1966 (a) January 66' tingga I niu Ranapey phungjiu adileng taliu bamga ram NKou mai nam ga Naga Army post khai rabo-de chiujiu din bojeng niu I di achun taliu khaine tiujiu anamnahmai kating kanah mathiu tu majang lujiu camp thiu de, aliu rona kam wang tang bibo jeng niu awanjeng mai nam charuk 1.Rianglong 2.Nreng 3. Kadi 4. Tudon 5. Kuilong 6. Guinuang maitu majang lujiu paliu kileng chaky kariu nia kiu (12) thiu mawi khaide, (b) Nkou namga Naga Army camp haigasi Shri: Maihipingbou Full Leutt. commander thiiujiu pagu army 40/50 bam jut jut jiu lung mawijiu lung bamde, I di apumsiak niu nchun nson paliu kang mai ndechiu bamlo? tiujiu phui jiu paliu tu nkha khai suibo khat nkha khaijiu taliu khai -e. Paliu katiu kasak tiu meng tanglakbo tiu wang tanglakbo phuijiu akhi khaijiu lung khai-de, paliuniu camp thiu bam bo bamga katiu kasak leng awanjeng mai niudi nkhajanjiu nkha khaijiu bamde, chiudi nam nam lamsu nkha wang tangbo padbo pakhiang na-widi sadi panam nah thiujiu bambo Nkou mainiu phui khe tiujiunam mai khuga npou thiu lujiu paniu bam then na phui kahi bi-de.tiusadi tiulu sakluja kadileng taten thiulo! tiujiiu alung dijiu nkha khai bo-de.
1967:1967: Haitiuja I niu Ranapey hungbambo 1967 tingga aliu kadihhai agi manaibo wanne tiujiu alung mathak nmansaijiu lungbamga India mai kabuak houlan sujiu India army maidung akilong tadpad tadgot jiu chalad katam tambo maniu sulan mide, siniu detiubo thak padlan ralo? tiujiu alung chariujiu pawan kasabo padlande, I niu anamnah npuinah mathiu khu haitiu dinne, aram mainalungbo yo tuhoi hai naliu wasijiu lung lulo, chariu magenthiu chariubp padi khengsijiu lungkhe,tiujiu senkhaijiu bamga wajiuga chariu magen thiubo doubamdi mathiu kheng cham jiu kheng jiu lung khai-e, maidi aliu lung kapangbo katambo padmakge, chun khat ladkhat thiujiu lungkhai-e.
1968: (a) - Feb, 1968 tingga I niu Ranapey phung bamga NNC Zeliangrong Regional President leng chamai kadane haiga wanglo tiujiu atudi kubojeng niu I di tadne tiujiu Liangchi namga tadle, I niu apmleng Shri: Shaphulak panai Namrang tu majang tade.
(b) Ist Nov. ‘68 tingga I niu Ranapey hung bamga arm Nkou namga Tajiangning camp ga Naga army Angmai mai khatdi Zeliangrong mai mathiu chamai 300 (kaism) wangjiu bam khaide, Paliu kangmai foriegn tadmi rabo-e tiujiu Ist Brgate 3rd Brgate, mainiu paliu foreing tad lujiu wang lan makhem kawi kasa pakhiang nakhin thiujiu phuiobam milo tiujiu paliu arms (chaganmi) 4 madai 1, aleng khat 2. Stan-gun khat 3. Rifles madai haisi full leutt. Maihiping niu pasijoujiu langkhai jiu Shri: Narikiu Surgion niu aben ga binhen khaidia e, I niu wide tiujiu nkan ganiu mai simakbo bamga nbai mawi khaijiu takum phen song thenjiu taliu khaide.
Haitiuja mania aben ga khalujiu nabibamga chahiu khat paphan lung ganiu 3rd Bnd. Naga army mairuong ga khang khat Shri: Subuibou tiubo piuniu India sepoy pajan Huthubou kubopiu niu silu jiu India army ten Bihar mai maitu majang lujiu dt. 21Ist. Dec. 68 bonai nchun akiga wangjiu agi ganiu makhiang sulujiu nang niu nabibam bo Naga army 3rd. gu mania (arms) alemjiu khat, stan-gun khat, rifles madai khatdi pasi ram mai si pisulo! tiujiu atu minde. Atu reji dap sude. Tiudi alung ganiu atu kamsad midi wadoudi alad padbi lakge tiujiu haijiu ga dapbamdi chariu kheng nge alad padbi makbo jengniu atu rad lujiu Njah Indian army Post ga majang wang de, Atu chaganmi nia thiujiu agah ga madon khailujiu nahiu puina lukmi rabode nang ringnisai chalad keng khat din pad lulo, natu phut khai bine tiudi alad padmak sai bullet hai naleng mge tuhoi dinpad sulo tiujiu dinde, siga I niu dinde naliu niu kamsad nisai kamsad sulo tiudi pawan khat prayer lukhai rai-ne, tiujiu prayer thiulo, loijiu kamsad lulo tiuboga wi-de, nang nallung tan bomai de nang kumbo maidi ha-e, tiujiu mathak lanlujiu naphi naben rat lujiu masut khin khailujiu dap-de, haitiuja jeng riu paliu camp ganiu rijiu kham khang-e, Rang-Kang khai chania thin lujiu apiu nahbo niu phung lujiu atu lekhai hkhe ra Indian sepoy Mr: Huthubou bensiak ga pihai bi-de. Chiudi chaganmi hai pimka then lekhai lakge,ahiupuinah kam maha mira b-e, chiujiu dine. Chiudi I simakge atu kam kani nibo kam sulo tiu boga paliu di wagu kam khaira wajiu akilam lang khai lan bi-de, I di achun wijiu akilam malan wang de, haijiu kha akaring ting dou tang matai makbo chariubo khatdi apum kasonbo kam khai bibo piu khang nia achun wi-de, panai niu kamaningbo taten ari ga ten khai bibo jeng niu panaitu Thuonkiu chang thuankiude. (c) Haitiuja Nov. 1968 boting I niu Ranapey phung jiu adih leng cha-ngam kam bambo ga achi Shri: Aji hai Surgion Major phung padihleng pa-paum ket padjiu chariu kheng taten thiu bamde , Achi hai foreign tadne tiujiu wang de, pah wang bamga panou hai panah ponde, padi mara de tiudi tad rabo pating wang tang mide, chiudi I niu nah-nou di ngeh pon bam nangdi mara bambo tu-ra nthai naira mathak khai mitalo! tiujiu din-de. Paniu din-e, wadu makge chara chun-e, tad mirabo thakmide, I tadlu wang lan mak then khattu kungjiu lung bamniu lo chiujiu kanui dia ye, pa tad bo hai panah nathubo piupon bambo nghe-nah hai jeng mangiu atng bo nai ye, chiusai wi-de nang tad mira ye sai wijiu tad lujiu wang lan lo! nang tad lujiu wang lan bonai Foreign gu chaput phung wanglo chiujiu paben ga RK. 1200 (Shang khat kainia) pikhaijiu I niu haitiujiu achitu kanui khai-ye, nang nadi najat leng taten thiujiu foreign tadboga nang karing ting mangai makrabo khatdi nang sai midi nang nah nangta mai chaken chaken nangtu maning tou jiu thinlung lung bamra mania khat luwanglo! tiuboga padi umme nang niulunibo Idi kam khaine tiujiu, panah puon bamdi khatdi papum mara bamdi adileng jeng niu pageng bambosi apum kasai kathiu pad mimaksai pasai niudi koi-koinah majang bam nmansaijiu lungcham bamra pating pawan kawi ngou lubui-e, thainaira naliu tudi Tingwang niu majang bam misulo! I di Tingwang jan gasu wijiu tad mine tiujiu alang tiu aroung khailujiu kakheng thiu arong khaidia lujiu foreign tad raleng kemsu raga panah jan mathak khai sulo tiujiu apiu niu mathak padboga kaki-kijan ra lulakge achunbo Jansi Kaililakbou tiubo hai wi-de tiuja pachun wijiu tad pad mide.
(d) Haitiuja 1968/69 kumga achi niu foreign tadbo rah kasia pabam khatga roukhai lanbam de. Paniu tadbo puitad khatdi pakhuga pad mibo ten duon rou khaide.
1963: 9 (d) Ms. Kendinliu (w/o. Atan) I di agu kadi leng jeng niu chariujiiu mikdui kiujiu kheng haibo dinkhai ni-e, I niu npui mai thiu bamdi akinah niu kadihleng aranleng taten thiujiu chariu kheng bambo ga I di adileng jeng gasu Ranapey lungjiu akinah niu Ranapey lungbam bo wan ga khatdi tuhoi tang bo chariu kheng jiu lung wang -nge I niu chariu diang bo tensira 17th March 1963 bonai akiga akinahpiudi bam makge, I di nghenah ponbam bo naisiakga Indian amry mai akiga wang jiu I niu mangmung ga jibamga paliugu chaganmira khoilujiu atu kepne nakina delam, I niu haitiu dine akina Naga mai-ngam kam mai mide, I ra simakge tiuboga paliu lung pomde, akiga chapot mania pakhiang kakam sude agu upu (box) charuk 6 amasoung ga puon wang lujiu kampang roi-roi lujiu check thiude, akilung chujiu ransude, jaitiu bamga aramai akinamai maikhat madi bam makge, I niu anah puonjiu apum ajai masep bamga I hai ping sude ajaidi apilam pak marenkhang mijiu achun thiusi ta mide, tiudi adileng jeng niu kheng-e tiujiu kheng khaijiu lung bam de, tiu deja apum ajai son mijiu tuhoi tang lung chariu bamde. Sibo tingga puonbo anasi pajan Miss: Kengtaliu tiujiu ku-e, Pahai tuhoi aliupum thiu bamde, sitiujiu chariu jiu bamdi naikhat naimik puira Naga mai chawang kadi ngousang jing rabo-e tiujiu achun wijiu lungbam de sibonai achariu mangaijiu chawang thiu jiu lungralo? tiujiu ana puonsu makhaga su tuhoi anamai akhang aliu khang katang nkhuon jiu agunjiu lung me agu kadi Naga mai chawang kadi ngou makthen saithiu makjiu amiksiak niu ngoutang khaine tiujiu Dampao Tingwang khugadi pumtan kheng jiu agunjiu lungbam bode.
(e) Haitiuja Nov.'65 : tingga akina niu Ranapey hungjiu bamboga Naga army mai chamai khang 40 (atai) wanglujiu akiga bamcham jiu I di aki-alu tura pakhen thiu milo adileng papum pipadjiu taten thiu ken maitu macha khaine, akhuga bambo ting ra maitudi pija mariu chari milakge tiujiu ate ajou ponbijiu taliu khai-e paliu kangmaidi paliupui paliupiu puonsiak bammaidee tiujiu paliu lung agi manaijiu chahiu nia lungbam cham khai-e, I di npuimai thiulu bojeng niu apum niu tadjiu tenthiura pumtan hambam tadi I niu ka-ngam bora nkha khaine tiujiu taliu mawi jiu lung arong khaide. Paliu tu majangjiu commander/leader thiubomai Mr: Maihiping full Leutt. Mr. Pouluothui Leutt. hainia niu majang lujiu lung-nge panaidi panai chun wijiu aliu khat khattu thuonkiujiu lungde.
1969 15 (a) * January 1969 botingga I niu Ranapey hungjiu bamga achi Mr. Aji hai foreign tad mide, haitiuja pagen ga foreign gu chapuot luwangra khaimi bosi hungwang sune pah wanglan rabo pawan wang tang mide debonai niu wang tang ralo? wang bonai kabakdi langtiu arong raleng tiujiu achun wijiu agunjiu nkhuan bamde, haitiu bamga paliu majang tad chamai pakamai dungra malan wang de, Iniu achi tu maniude, maidi dinkhe makge simakge tiujiu dinde. Paliu majang mai mathiu wang tang kam mide, siniu alung bamlulak siak mijiu phiu tad sude, haibo wanhai disturb tingde, I niu phiutad bohai npuiki gadi taddou lakjiu nkan mariu hang ganiu ruon tad de, I niu tadboga Nkou ganiu Tamei-Ncheng-Sonpram-Dailong-Tamenglong - Chiulon- Nchengphai - Thiulon- Ningdiram-Aben-Diheng (Daige) haitiuja nchun nnen tad mengjiu achi racham mai di simakde pathak sitade sigasu malan wanglande, Nindiram-Saramram-Namtiram-Ningjam-Ndai-Nkheng- Khonphung - Nkou haitiujiu aki malan wang lande, I niu hatiuja chariujiu tadbo wahinaga atu lungsa mai khang sum (3) 1. Nambonbou 2. Khangdi khatdi Dikebou aliu chariu khengjiu tadcham me, haiga tadboga npui nchiang ga katiu kasak thinkhaibo Rangkang 500 thin khaide.
(b) haitiuja achi duonjeng niu alung chariu jiu bamga paniang kidrem lujiu bamme tiubo khuon chiu wang lanjiu achi tu hpiutad lande tiujiu 5th Feb '69 tingga tad lande. I niu haitiujiu tad de, Nkou ganiu Malek-Ntiang-Ncheng-Dailong-Tamenglong Hqs-Chiulon gasu Mr. Dijua BLW panai Mr: Hukiuwangbou BLW panaitu majang lujiu makhem thiulande, panai niu kahgn khat majang tadkhe tiujiu Mr. :Dijua anai tadra kamde, singnah Dijua niu haitiu dinne, I di saini sailo ring ni ringlo! tadsang jingne nang kasai-saibo ga I di saikhaine tiujiu chamret thiu lujiu tad sude. Chiulon gasu Thiulon ga wang lujiu Shri: Daniel Capt. Naga Army tu nang liu thengdimai wahina kasaimai naliu niu atu majang khaibo tiuboga padi cha-ngam doulakja pathak doulakja Dijua anai roina tad sude, Haitiuja Thiulon gasu Ningdiram ga jikhai boga param maigu Ranapey niu mai khang khat kiga -- atu pibam khailo tiuja majang wang khai biye, sinahpui niu atu haitiu dinde akigara bamdou lakge Naga mai paliu lundi phuini makge tadra tadmilo,nai machang nchun tadmide nson ngot nson tad mide nchun ngotjiu haibo kam kam bam bohai Naga mai Naga mai akiga wangtalo tiujiu din sunde. Yo nang naning tareng lubui siak mide, chamai nah thiulu bojeng niu kheng/kheng mani mibode. nang nalung pokhai mak khelo, I maiki lam wang alang tiumi tane chalungsajiu aleng chaban jonkhe talo tiuboga chabandi jonraleng ha-e, nang tad misai tadmilo. Tiujiu dinde, I hai aleng chariubo din ngamlak mide, Achi hai haitiu ja mairot lengkhaira aimkdui kamkiu kahira kamkhai bibode tiujiu alung niatoubo padjiu amikdui kiukhaide, haitiuja param maigu Ranapey khuga wanglan boga paniu tadlujiu -------- khuga dinlande, haimaihai Naga army makge pachipiu ajam thiuniu bamme tiujiu palung chairujiu phiutad kinbogye tiujiu dinboga ---- puidi palung niatoujiu pah-mikdui kumde, I moumide I ra Naga army maima tiujiu aning tareng junijiu chalad din njumide, akhu katiu tiukhai sangjing rabo-e, tiujiu alang bijiu tiukhaide. Haitiuja paliu khuga achitu maniu suboga maipiu khangkhat niu haitiu dinkhaide, Nachi Aji tuhoi kidset lujiu aliu npui chubamga ponjiu tadwang lujiu phuilo naliu Naga mai foreign tadmai tu kidset lubo-e tiujiu dinne: Nalung chariu mane padileng jeng niu pajai luong khaijiu nuirim rimjiu paring ting pikhai mibode. Tiujiu akhuga din khaijiu I di wi-de tiujiu akilam malan wang lan raleng Thiulon namlam wangde, Chiulon- Tamenglong Hqs- Ncheng -Tamei Hqs -Nkou haitiuja tad meng tad wangboga thin khaibo Rangkang 1150 thin khaide, haitiuja I niu tadwang boga -- puihai palung makjiu nang amoudi kuak khailo katiu kasak tiu wimakdi tiu arong khai khe tiujiu dinne I di ma-ngam jumijiu maikaki maikilam bam mine tiuboga pachun sa mide suilakge nang thanai akhuga bamkhai maksai I ra suilakge I niu langkhai bambo hai nang tiulakge sai I di tiulakge taliang mirabo-e, tiujiu umme tiu aroung khaira bo-e tiuja bamkhaide................. hainahpui tu aringting wadoudi mangailan lulakge Naga mai kadi ka-ngou bonaidi pasan kawi bomai thiu wisune tiu alung ganiu makum toutanjiu bamme.
15 (a) Haitiuja achi paringting loimi bolamga alung chariubo niu phuijiu paniu saikhaibo bamdi ngoutang makjiu ladkeng khatdi npou chamkhai makmane ramna mibojeng alung kimlakjiu achunjiu bambo tingga Ranapey ngamhaidi pawan khat ga mathak khaine tiubamga 22nd Dec 72 bonai Indian Army (Kamnuan Regin..) maniniu I hai Ranapey ye tiujiu atu minlujiu jutad lande, Tamei 44 camp gasu atu rejiu dapde jeng 6 khamkhang jiu nang Naga army tu katiu kasak supply kambo suimakge Naga maigu camp dega nang majang lujiu lung bolo? Tiu jiu lekjiu maniude tiudi wakhatdi diulage tiujiu kathiubo niu khengjiu bamboga blade khoilujiu Ranapiu donjeng ga niu aga gesujiu chalad dinsulo dinmaksai agi pakhiang malemlujiu khautiura taikhaine tiujiu kasude tiudi adileng jeng niu saidi saikhaine tiujiu naliu niu kamsat nedi naliumaning kasulo. Nangdi nagu kadi lengjeng niu changamkambam bokumjiu I di adileng changam kamjiu chapbam bo e. Tiuboga nang nachipiu Aji Indian army maiben ga saikhai mibo ronna makjiu nangdi saikhai lannijiu ma natu tuhoi tuhoi kamsat mirabo e tiujiu dinne. Tiudi alunghai wakhatdi kalimakge sniu paliu watiu raleng hamijiu Tamenglong H/Q gamajang tadlande. Indian Army mainiu Manipur police S.Pbenga pikhai lande Police niu case thiujiu jail gabangkhai jiu chahiu khad bangkhang nge. Haitiuja atu dabbo rebou ronna makjiu asen alan thinkhaijiu Rs. 3000 kammaha khaide. Haitiuja Police Station Tamenglong ganiu atu lekhailanjiu akilong malanwalade. Adileng jeng niu haijiu kha chariu khejiu lung khaide.
A. I niu alung makjujiu achi Aji kasaibobam patu nbaikhai bobam phuitang sang jingnetiu 25th feb 1973 bonai atu kungjiu apumkumjiu lungbam maidung khang madai(4) 1.Hudibou 2.Amang 3.Kuilung khatdi 4.Khomwang haimai tu jajung lujiu tadde. Haiboting hai disturb wande,siniu achi Ajitu nbai khaibo bam phuine tiujiu D.C.Tml khugapermissionkhenglu jiu haitiu jiu tadpad boga Nkou-Tamei-Imphal-Dimapur-Ningkunglwa-Jalukie-Samjiuram namga jiangnia nai bamkhai lujiu Beisumpui 15th March 73 bonai achi Aji tunbaikhai bobamhai Longma namga ngottang lujiu pram maigu G.B. kigabamlujiu kating maitu majang lujiu kabak khad gilujiu katiu tiu aruang khai e.Longmaarea gu Evengilist…………………… achipiu tu kam nbaikhai bibo piutu adaulude .Iniu achi tu nphum khaibo bam meng tang suboga alung ga chariubo kheng ngam lak mide .parou khatdi parah lanpad jiu ngousubo ting I hai detiuralo Army mai khangkhat tura achikhum ruikhaisangjingne tiujiu alung tiukhang sude.Haitiu bamga Evengilist piuniu tachiang gasu mangiu khailujiu alung tu kam agikiu bocham din khaijiu worship thiujiu kakheng thiu aruang khaide.I di wide naliu niu kadin bosai suijiu chara jan gasu changa kamkiu misukhe,mathak khaimide.Patu nbaibo roubam gadi kahum aruangkhaide.Param mainiu di paliu lung dijiu katiu tiu aruang khaikhe tiujiu kamih khat gikhai bijiu aliu mathiu tiu aruangkhai lanne.
B. Haitiujiu achi Aji tu nbaikhaibobam phuitang lujiu palun ngoutang lumakdi ngoutang bokum bode kadiramga npekbamdi Tinggen lam aruanglan raboe tiujiu kalong lam jonwang lande.Longma gasu Silchar-Lamding-Dimapur-Imphal-Tamei,khatdiNkou ga chunwi chunwijiu akilong,arammaina khuga fellowship thiu aruang lanlude.Haitiuja hai kadiramga aliu chamaina tu tingwang niu majang bam bopen gasu Christian maihina akimai aram mai kamme.Long namnah khatdi Baptist women Soceity nkiuja Evengilist……………… tu thoun kiude.Chamaina I niu achun wikhaibo suong,dijiu Tinggenlambambo Tingwang niu paliu mathiu riga thoidam pikhaimi sune tiujiu alung ga malum me.Agu kakheng gadi paliutu maning tau-taujiu bamme.Christa jan gasu paliu karingting dounwimai thiumilo.
C.Haitiuja apum chariu,aram mai,chariu,ronna makja tadmeng tadwang boga thinkhaibo Rangkang Rs.3500 thinkhai jiu tadkhaibo de.Haibo lengjeng niu chariu nkhakhai bo khatdipasen palan nchum khai maidi chariu khengbo padam lucham khaibo maihi nariga Rapiu niu nkha khaibo makja I niu rapaliu leng wadi nkha khaira hajiu tade.
17.(a)christa janga naliu singna I niu agu characham (History)rou wang bo doun ga aliuniu kung boMr.Maihipingbou major,Naga army gu lamga chaladkeng kasia roukhaide Naga Movement subogasu aram Nkou ga wang jiu paniu chariu di ide chariu chamne I niu chariu wang tadi pahdi chariu khengcham ne, anaira pumkhatle tiujiu anai khad khad chariu majonjiu lungne Mr, Maihiping hai padih pajah leng roina makjiu Nkou namhai paniu thin kabuak khaija papum hai Nkou nam niu thin maliujiu Nkou ram hai palun kawi khatdiparacham katad hai paniu ju majang khaijiu Nkou namhai kadirapen thiu khaibibode. Paniu chalad chaliu saisui jiu kadilong kaku,kadibek kasuk ruontad bamdi pakilong Nkou namtu mangai makjiu tadkhai bobam machang Nkou maipiu pum thiu jiu padilemg tadjiu bamme. Panamnah pakilong detiujiu lungsu khang ralo tiujiu npui damjiu phiubam jeng niu, Iniu kungbou anamnah mai ata anah maidung yoh, naliu mai khadnadi patu mangai sui makye Atamai anahmai khatdi akikhun hai patah panamaidi khatdi paki khunde pakikhun patah panah maidungdi akikhun atah anah maidi. Naliu khad khad lamsijiu chunkhad ladkhad thiujiu khad khad lammajonjiu lunglo Mr. Mahipingbou hai apou ape akikhun mai hai Chawang Katingduimai ye, Shri,Nsying hai aliu poude.

I niu puonbo anahmai:-
1. Ch. Pakinlebibou khatdi
2. Ch. Paditungbou, npiumai hainia lungnge.
I niu kungbo achipiu Shri. Aji niu puon diabo.
1. Ch. Kailelakbou khatdi I niu kungjiu bamboo apuinahdung yo, naliu agu racham ngoulu silujiu akipui namai delam delam bamlo nangliu sikhailo.




This page is powered by Blogger. Isn't yours?